Forum Einloggportal
Loginname: Einen Zugang registrieren
Passwort:     Passwort vergessen?

Forum www.religion-und-spiritualitaet.de    Religion und Spiritualität    Bibelstellen  ›  Schinghellige sin messrodene Hellige (Mt 7,21-27) Moderatoren: Weber
Mitglied(er) im Forum
Keine Mitglieder und 1 Gäste

Schinghellige sin messrodene Hellige (Mt 7,21-27)   Dieses Thema wurde bisher 1.767 mal gelesen. Thema ausdrucken Thema ausdrucken
1 Seiten 1 Thema empfehlen
Weber
05 März 2011, 12:44 Einem Moderator melden Einem Moderator melden
Board Moderator
Beiträge: 210
Schinghellige sin messrodene Hellige (Mt 7,21-27) Prädig op Kölsch 2011

Leev Mädcher un Junge vun Maye,
leev Fründinne un Fründe us Berghem,
leev Fastelovendsjecke!

Wat is dat schön,,
dat mer widder all zosamme sin.
Mer han us lang nit gesinn, - stimmp et?
An mer hät et nit geläge.
Un no well ich üch jet sage üvver dat Evangelium,
dat ich grad vörgelesse han.
Dat wor quasi der Schlussakkood vun der Bergprädig:
„Dot ein för alle Mol dat, wat ich üch gesaht han!“
Originalton vun usem Här.
Matthäus, dä us dat ganze Spill üvverlivvert hät,
muss wohl ne gode Grund gehatt han,
en singer Gemeinde Klartext zo spreche.
Denn nit alles, wat en der Jesus-Gemeinde fromm doher kom,
wor och en ech fromm.
Et gov evvens och Schinghellige – wie hüggzedags och.
Schinghellige sin Lück,
die hinge nit esu sin, wie se vörre schinge.
Vörre gonn die met fromm Spröch hauseere „Här, Här“
un hingeneröm dun se ander Lück avzocke
un sich selver en Rötsch Privilegie en der Sack sorge.
Han ich nit Rääch?

Esu hät neulich uns Landesregierung der Sonndag neu entdeck.
Die deit no aal chresstliche Wääte verteidige.
Av sofort darf sonndags keine Trödelmaat mih avgehalde wääde.
Sonndagsrauh, basta!
Esu mobiliseert mer chrestlich-konservative Wähler.
Öm die geiht et nämlich en drei Woche,
wann der Landtag neu gewählt weed.
Leiddragende sin die klein Lückcher,
die sich met dem Trödel luuter e paar Nüsele nevvenbei verdeene kunnte.
Dat es nu vorbei!
Is dat nit ärg schinghellig?

Wä wirklich dä Sonndag rette well,
dä muss en Maria Laach aanfange.
Do kannste jeden Sonndag enkaufe:
Botter, Eier, Kies,
Obs un Gemös,
Fleisch un Woosch,
Planze, Blome un Kaktusse,
jede Menge Böcher un ander Gedöns.
Dat es die benediktinische Sonderform vun Sonndagsheiligung.
Han ich nit Rääch?

A propos Schinghellige.
Et einzig Echte an däjinnige  es ehr Falschheit.
Ne Schinghellige kanns de do dran erkenne,
dat hä sich luuter üvver ander Lück entröste deit:
üvver denne ehr Aat zo levve,
üvver denne ehr Aat ze gläuwe,
üvver denne ehr Aat Puute groß ze trecke un esu wigger.
Die ständige moralische Entröstung
is der Helligesching vun de Schinghellige.
Ganz am Rande kann ich et üch jo verrode:
unger de Schinghellige is dä ein dem andere singe Deuvel.
Schinghellige sin missrodene Hellige!
Han ich nit Rääsch?

Üvverigens:
En jeder Gemeinde gitt et e paar Schinghellige, ävver nor e paar:
sage mer 0,5 Promille.
Dat sin im Pastur singem Großrevier vun 9000 Katholike –
loss mich üvverläge – vier un e half.
Kennt Ihr die vier un e half,
die he frei erömlaufe?
Ich kenne die,
ävver ich han se hee hügg noch nit entdeck.
Ich vermute mol,
dat die sonndags luuter en St. Clemens en de Fröhmess woren.
Nu hätt der Pastur die Mess vor kootem ersatzlos gestriche,
un zwar us Mangel an……näh, nit wat ihr meint,
us Mangel an Kirchenbesuchern.
Pastur, han ich nit Rääch?

Am Engk vum Evangelium steiht dat bekannte Dubbelgleichnis:
dat Gleichnis vum Huusbau.
Einmol es et stabil, hält alem stand,
un et andere Mol krach et en sich zosamme
Dat stabile Huus, op Fels gebaut,
meint die, die dun, wat der Häär sage deit.
Dat Levvenshuus vun denne hät vörm Hergodd Bestand.
Ävver die ärm Schinghellige,
die för sich selvs un för ander Lück en dubbelte Moral han,
die han kein Chance vörm Herrgodd.
„Ich kennen üch nit“, krige die zo hüre.

Wat ben ich fruh,
dat mer vun dä Zoot he nor vier un e half han.

Amen – Mayoh

geloggt Offline
PrivatnachrichtPrivatnachricht
1 Seiten 1 Thema empfehlen
Thema ausdrucken Thema ausdrucken

Forum www.religion-und-spiritualitaet.de    Religion und Spiritualität    Bibelstellen  ›  Schinghellige sin messrodene Hellige (Mt 7,21-27)

Thema Bewertung
Für dieses Thema existiert derzeit keine Wertung