Forum Einloggportal
Loginname: Einen Zugang registrieren
Passwort:     Passwort vergessen?

Forum www.religion-und-spiritualitaet.de    Religion und Spiritualität    Bibelstellen  ›  Alles is för jet god (Prädig 2012) (Koh 3, 1-8) Moderatoren: Weber
Mitglied(er) im Forum
Keine Mitglieder und 1 Gäste

Alles is för jet god (Prädig 2012) (Koh 3, 1-8)  Dieses Thema wurde bisher 2.140 mal gelesen. Thema ausdrucken Thema ausdrucken
1 Seiten 1 Thema empfehlen
Weber
26 Januar 2012, 21:32 Einem Moderator melden Einem Moderator melden
Board Moderator
Beiträge: 210
Leev Mädche un Junge vun Maye,
leev Fastelovendsjecke!

Et es e halev Johr her,
do han ich en der Kölnischen Rundschau en Dudesaanzeig gelesse –
un zwar op Kölsch.
Bovve drüvver,
do wo söns luuter esu fromm Sprüch stonn,
stundt dä Satz:
„Alles is för jet god.“
Do drunger kom der Name vun dem Dude
un dä Rest wie gewöhnlich.
Ich wor von de Söck, wie ich dat los.
Wie kann einer op en Dudesaanzeig schrieve:
„Alles is för jet god“?
Zueesch han ich gedaach:
Dat wör villeich ene Spruch,
dä dder Dude, als hä noch nit dud wor, luter gesaat hät,
wann hä Godd un de Welt nit begriefe kunnt.
Doch irgendwann es mer klor woode,
dat der Spruch en ganz große Verneigung vür unserem Herrgodd es.
Der Dud gehürt zom Levve,
un dodurch, dat der Herrgodd Minsche stirwe lööt,
bewahrt hä de Schöpfung vür der Vergreisung.
„Alles is för jet god“ well dann sage:
Häär, ich verstonn zwar de Welt nit mih,
ävver do häs der secher jet dobei gedaach.
Denn der Häär deit jo nix verkeht maache.
Han ich nit Rääch?

„Alles is för jet god.“
Dä Sproch hätt et en sich.
Stellt üch vür:
En Famillich mit zwei anstrengende Pänz,
enem Hung un enem kranke Mann.
Eines Dags trecken de Pänz vun doheim fott un gonn ihre eigene Wäg,
der Hung kann nit mih und och der Mann stirv.
Jo jo is de Mutter jetz allein.
Ävver – wann se gescheit es –
lööt de  Witfrau de Truer flöck hinger sich,
un e janz neu Levve kann aanfange,
esu wie se sich et nie hätt dräume losse.
Han ich nit Rääch?

„Alles is för jet god.“
Ich denken an Maye em Kreeg: 2. Januar 45.
De Stadt wood zu 90 % zerstört.
Vill Dude, e groß Leid in baal jedem Huus.
Un hück? Wat han mer widder en schön Stadt!
Han ich nit Rääch?

„Alles is för jet god.“
Wann ich so an uns hellige, römisch - katholische Kirch denke,
dann hät der Helligesching en de letzte Johre ärg geledde.
De Missbrauchsfälle han uns klor gemaht,
dat och die Schinghellige nor Minsche sin.
Ov ehr et gläuve dot ov nit:
Et gitt kein Bisterei op der Welt,
die et nit och en der Kirch gegovve hätt oder gitt.
No is god, dat alles erus gekumme es
un dat unsere Bischof der Sumpf drüg gelaht hät.
Villleich hätt jo dä Missbrauchsskandal de Arroganz en der Führungsriege e bessche gebrems
un der allgemeine Demod en der Kirch op de Bein geholfe.
Han ich nit Rääch?

„Alles is för jet god.“
Priestermangel och? Jo!
Villleich föht dä jo dozo,
dat sich uns Kirch in Zokunf mih versteiht
als Gemeinschaff vun de Gläubige
un nit – wie hügg – als Club vun de Geweihte.
Wo Glaube es, do es de Kirch.
Wat hät sich unser Här Jesus luuter gefreut,
wann hä bei de Minsche Glaube gefunge hät!
Dogäge wor et im eigentlich egal,
ob sing Apostele mit dem Pitter aan der Spetz
alle Dag Collar un Talar un eventuell noch rud Pantüffelcher drage däte.
Han ich nit Rääch?

„Alles is för jet god.“
En der Lesung hamer et gehoot:
Kreeg un Fridde, Söke un Verleere,
dud maache un heil maache, leev haalde un hasse:
alles hätt sing Zigg – un alles is för jet god.
Wie dat all zesamme pass, weiß keiner,
ävver uns Herrgodd, der weiß dat.
Dä frößelt dat alles zesamme
un mäht dodrus en grandiose Iewigkeit.
Un mir rofe hügg voll Glöck:
dreimol Maye Mayoh / Maye Mayoh / Maye Mayoh

geloggt Offline
PrivatnachrichtPrivatnachricht
1 Seiten 1 Thema empfehlen
Thema ausdrucken Thema ausdrucken

Forum www.religion-und-spiritualitaet.de    Religion und Spiritualität    Bibelstellen  ›  Alles is för jet god (Prädig 2012) (Koh 3, 1-8)

Thema Bewertung
Für dieses Thema existiert derzeit keine Wertung